Pawarta Lagu Rasa Sayange

Pamarentah Indonesia ngukuhi lagu Rasa Sayange saka pandakune Malaysia. Kanggo mikuwati ngyakinake yen Rasa Sayange pancen temen-temen asil ciptaane seniman Indonesia, Menteri Kebudayaan lan Pariwisata Jero Wacik ndhapuk tim kanggo nglacak bukti-bukti kang isih ana. Tim mau golek bukti wiwit ing laladan Maluku engga tekan Negara Jepang. Kaya sing wis kasumurupan, Malaysia ndaku Rasa Sayange minangka lagu nasional ing negarane. Kepara lagu sing wiramane gumyak iku dienggo jingle (lagu) promosi pariwisata Malaysia. Kasus mau engga seprene durung ana karampungan awit pihak Indonesia lan Malaysia padha-padha ngaku duwe bukti kuwat ngenani lagu kasebut.
Kanggo ngawekani murih Indonesia ora kecolongan maneh, Departemen Kebudayaan lan Pariwisata (Depbudpar) nekan nota kesepahaman karo Departemen Hukum lan Hak Asasi Manungsa (Depkum HAM) ngenani Perlindungan, Pengembangan dan Pemanfaatan Kekayaan Intelektual Ekspresi Budaya Warisan Tradisional Milik Bangsa Indonesia. Karya budaya sing dimaksud ing nota kesepahaman mau ora ngemugake bab lagu-lagu dhaerah wae nanging uga warisan budaya kang sipate khas kaya dene upacara tradional, busana khas dhaerah lan panganan khas dhaerah. Jero ngajap dhaerah-dhaerah sing duwe warisan budaya khas mau tumuli ndhaptarake menyang Depbudpar. Dheweke lagi ngupayakake murih beya pendaptaran iku ora larang.
(Kapethik saking Panyabar Semangat.2007.44:5)

Komentar

Posting Komentar

Sumangga paring panyaruwe/pandangon/mundhut pirsa

Postingan populer dari blog ini

Wacan Deskripsi

Tembung deskripsi asale saka basa Latin yaiku descripcere kang tegese nulls utawa njlentrehake sakwijining bab/perkara. Deskripsi uga duwe teges perincian utawa gambaran. Mrinci tegese gambarake perkara tartamtu. Carane nulis deskripsi, siswa ngamati (ngemati kanthi premati) objek kang didadekake sumber tulisan. Objek sing dirinci/digambarake bisa samubarang; prastawa,pawongan, kawanan, tanduran, lingkungan, alam, lsp. Deskripsi kang adhedhasar pengamatan kalebu rincian/gambaran kasunyatan. Gambaran kasunyata. Gambaran kasunyatan iki mratelakake yen pawongan, panggonan, kewan, prastawa, barang, lsp. Bisa digambarake/dirinci kanthi trep kaya kahanan sing saknyatane. Tuladha; Deskripsi barang upamane tas bisa dirinci/digambarakengenani bahane, wernane, modele, lsp. Deskripsi pawongan (manungsa) bisa dirinci/digambarake prauane, dedege, watake, kesenengane, gaweyane,lsp. Wacan deskripsi tumrap barang bisa ditulis kanthi landhesan ngamati utawa ngrungokake. Saka ngrungokake siaran l
Jangkepipun »

Tanggap Wacana ing Pahargyan Warsa Enggal/Tahun Baru

Nuwun, Bapak ibu para sesepuh, pinisepuh ingkang tansah kula bekteni, saha para kanca ingkang kula tresnani. Puji pudyastuti sumangga kita aturaken dhumateng Gusti Ingkang Maha Welas saha Asih, awit saking rahmatipun kita sedaya tansah pinaringan kawilujengan saengga saged makempal wonten papan menika, saperlu rawuh wonten ing acara malem pengetan mapag warsa enggal 1 Januari 2010. Tahun 2009 sampun kita lampahi kanthi tumindak ingkang sae menapa ingkang awon. Tumindak sae lan awon kala wau kedah kita dadosaken kaca benggala kangge taun-taun salajengipun. Tumindak ingkang sae kedah kita tansah dadosaken tuladha, dene tumindak awon kedah kita tilar sampun ngantos kita ambali malih ing taun salajengipun. Tumrap kanca ingkang ingkang dereng saged sinau ing pawiyatan kanthi tumemen, mugi-mugi ing warsa enggal mangke saged tumemen anggenipun ngangsu kawruh langkung sregep sampun kesupen tansaya ndedonga dhumateng Gusti saengga kaparingan gampil samudayanipun lan pikantuk biji ingkang marema
Jangkepipun »

NGRINGKES TEKS

Ringkesan /ikhtisar padha-padha minangka panyajian cekak aos saka wacan/karangan asli. Nanging kanthi teknis kelorone ana bedane. Ringkesan minangka panyajian cekak aos saka wacan asli/karangan, nanging tetep ngukuhake (mempertahankan) urutan isi sudut pandang pangripta/panulis asli. Babagan wigati kang kudu dimangerteni sadurunge ngringkes yaiku, Tulisen ringkesan kanthi cekak aos, arupa pokok-pokok informasi sajeroning wacan/karangan kasebut. Gatekna urutan wosing (isi) wacan/karangan . Tulisen miturut isi wacan)Tulisen ringkesan wacan kasebut tanpa ngowahi sudut pandang pangripta/panulis asli. Wacan sing awujud dawa bias kaowahi dadi cekak, nanging ringkesan kudu tetep ngandhut isi pokok tulisan asli. Nulis ringkesan yaiku nulis maneh gagasan utama kang ana ing sajeroning tulisan sing uwis kawaka. Panulisan kudu digawe kanthi ati-ati,sebab ringkesan sing digawe iku ora entuk dicampuraduk karo panemune sing gawe ringkesan. Isi ringkesan mung saka sumber utama wae. Langkah-la
Jangkepipun »