Mlaku Apa Anane
Dening Y. Rini T Puspo
Mlakua apa anane
tanpa tembung tanpa ukara
ujare pujangga: landhepe tembung
ngluwihi landhepe pedhang pitung panyukur
ukara iku
peprenesan kang karakit kanthi pulasan warna-warna
ngalembana golek ati
ngundamana nglarani
utawa malah dadi wisa kang ampuhe ngluwihi
wisane ula sawa
mlakua apa anane
tanpa tembung tanpa ukara
kareben uwal saka luput awit kurang empan papan
meneng!
jroning meneng tuwuh eninging rasa jatining sedya
wis ta, mlakua apa anane
tanpa tembung tanpa ukara
saupama kudu nywaea
elinga sesanti iki
lair iku utusaning batin
Mlakua apa anane
tanpa tembung tanpa ukara
ujare pujangga: landhepe tembung
ngluwihi landhepe pedhang pitung panyukur
ukara iku
peprenesan kang karakit kanthi pulasan warna-warna
ngalembana golek ati
ngundamana nglarani
utawa malah dadi wisa kang ampuhe ngluwihi
wisane ula sawa
mlakua apa anane
tanpa tembung tanpa ukara
kareben uwal saka luput awit kurang empan papan
meneng!
jroning meneng tuwuh eninging rasa jatining sedya
wis ta, mlakua apa anane
tanpa tembung tanpa ukara
saupama kudu nywaea
elinga sesanti iki
lair iku utusaning batin
Komentar
Posting Komentar
Sumangga paring panyaruwe/pandangon/mundhut pirsa