Atur Sepala

ATUR SEPALA

Assalamualaikum Wr.Wb

Puji syukur konjuk ing ngarsanipun Allah SWT ingkang sampun paring rakhmat dhateng kula, satemah saged hangaturaken yuyunblog Tresna Budaya Jawa .

Blog punika boten ateges anggen kula kapiadreng badhe hamemulang dhateng para maos, ananging awit saking pepenginan kula badhe dherek hangleluri budaya Jawi mliginipun basa Jawi ingkang sampun wiwit dipunkiwakaken.

Atur panuwun ingkang tanpa upami katur sedaya kadang mitra ingkang sampun paring panyengkuyung anggen kula saged ngaturaken yuyunblog Tresna Budaya Jawa .

Nglenggana sedaya kekirangan ing yuyunblog Tresna Budaya Jawa awit taksih cupet pangertosan kula ing babagan basa tuwin sastra punapa dene tataning basa Jawi. Sampun satrepipun yuyunblog Tresna Budaya Jawa taksih kathah perangan ingkang dadosaken kuciwaning penggalihipun para kadang ingkang maos. Pramila panyaruwe, pemut saha pitedah tansah kula suwun kanthi kebaking pangantu-antu.

Mugi-mugi yuyunblog Tresna Budaya Jawa punika saged kangge tambah-tambah pangertosan sanajan namung saglugut pantun bebasanipun dhateng para maos mliginipun para siswa.

Wasana maturnuwun.

Wassalamualaikum Wr.Wb

Kula

L.Yuyun Dian Susanti

Komentar

Posting Komentar

Sumangga paring panyaruwe/pandangon/mundhut pirsa

Postingan populer dari blog ini

Wacan Deskripsi

Tembung deskripsi asale saka basa Latin yaiku descripcere kang tegese nulls utawa njlentrehake sakwijining bab/perkara. Deskripsi uga duwe teges perincian utawa gambaran. Mrinci tegese gambarake perkara tartamtu. Carane nulis deskripsi, siswa ngamati (ngemati kanthi premati) objek kang didadekake sumber tulisan. Objek sing dirinci/digambarake bisa samubarang; prastawa,pawongan, kawanan, tanduran, lingkungan, alam, lsp. Deskripsi kang adhedhasar pengamatan kalebu rincian/gambaran kasunyatan. Gambaran kasunyata. Gambaran kasunyatan iki mratelakake yen pawongan, panggonan, kewan, prastawa, barang, lsp. Bisa digambarake/dirinci kanthi trep kaya kahanan sing saknyatane. Tuladha; Deskripsi barang upamane tas bisa dirinci/digambarakengenani bahane, wernane, modele, lsp. Deskripsi pawongan (manungsa) bisa dirinci/digambarake prauane, dedege, watake, kesenengane, gaweyane,lsp. Wacan deskripsi tumrap barang bisa ditulis kanthi landhesan ngamati utawa ngrungokake. Saka ngrungokake siaran l
Jangkepipun »

Tanggap Wacana ing Pahargyan Warsa Enggal/Tahun Baru

Nuwun, Bapak ibu para sesepuh, pinisepuh ingkang tansah kula bekteni, saha para kanca ingkang kula tresnani. Puji pudyastuti sumangga kita aturaken dhumateng Gusti Ingkang Maha Welas saha Asih, awit saking rahmatipun kita sedaya tansah pinaringan kawilujengan saengga saged makempal wonten papan menika, saperlu rawuh wonten ing acara malem pengetan mapag warsa enggal 1 Januari 2010. Tahun 2009 sampun kita lampahi kanthi tumindak ingkang sae menapa ingkang awon. Tumindak sae lan awon kala wau kedah kita dadosaken kaca benggala kangge taun-taun salajengipun. Tumindak ingkang sae kedah kita tansah dadosaken tuladha, dene tumindak awon kedah kita tilar sampun ngantos kita ambali malih ing taun salajengipun. Tumrap kanca ingkang ingkang dereng saged sinau ing pawiyatan kanthi tumemen, mugi-mugi ing warsa enggal mangke saged tumemen anggenipun ngangsu kawruh langkung sregep sampun kesupen tansaya ndedonga dhumateng Gusti saengga kaparingan gampil samudayanipun lan pikantuk biji ingkang marema
Jangkepipun »

NGRINGKES TEKS

Ringkesan /ikhtisar padha-padha minangka panyajian cekak aos saka wacan/karangan asli. Nanging kanthi teknis kelorone ana bedane. Ringkesan minangka panyajian cekak aos saka wacan asli/karangan, nanging tetep ngukuhake (mempertahankan) urutan isi sudut pandang pangripta/panulis asli. Babagan wigati kang kudu dimangerteni sadurunge ngringkes yaiku, Tulisen ringkesan kanthi cekak aos, arupa pokok-pokok informasi sajeroning wacan/karangan kasebut. Gatekna urutan wosing (isi) wacan/karangan . Tulisen miturut isi wacan)Tulisen ringkesan wacan kasebut tanpa ngowahi sudut pandang pangripta/panulis asli. Wacan sing awujud dawa bias kaowahi dadi cekak, nanging ringkesan kudu tetep ngandhut isi pokok tulisan asli. Nulis ringkesan yaiku nulis maneh gagasan utama kang ana ing sajeroning tulisan sing uwis kawaka. Panulisan kudu digawe kanthi ati-ati,sebab ringkesan sing digawe iku ora entuk dicampuraduk karo panemune sing gawe ringkesan. Isi ringkesan mung saka sumber utama wae. Langkah-la
Jangkepipun »